KontaktEmail

Klettersteig-WE auf dem Gutenberghaus
(6. / 7. 7. 2013)

Da Alois, ihr kenns den scho, hot gmoant, i soi wos schreiben, wias so war am Dachstoa. A Fünfzeiler sollts wern, des glangt, hot er gmoant. Also pack mas o!

Da Wedabericht war gar net so schlecht. Am Samstag hamma uns, fünf Weiberleid und zwoa Manna, aufn Weg gmacht in de Ramsau am Dachstoa. Noch zwoa Stund war ma dann beim Wirt. Leida war des Weda doch net so schee. Da Wirt hot gmoant, da Eselstoa war eha trockn. Oiso hamma den packt.

Guat is ganga. Nix passiert, bloß beim Obegeh hots leicht grengt. Do a koa Sicht war, hamma den Sinabell aufn nachstn Tog verschobn. S Weda war dann guat und gseng hamma a wos. Mittag hamma uns beim Wirt, dem Günter, verabschiedet, san obeganga und dann, da da Parkplatz an da Silberkarklamm voll war, nach am Kaffee hoamgfahrn. War a schens Wochenend.

Dabei warn de Steffi, de Sylvia, de Sonja, de Regina, de Cordula, da Tom und I.

Robert Hanisch

Zur Homepage des DAV Teisendorf

aktualisiert: 06.08.2013 A.H.

Zum Seitenanfang

Sollten Sie auf dieser Seite einen Fehler entdecken, dann bitte eine Email an info@dav-teisendorf.de senden!